செந்தாமரை முதலிய பிறிதின் இயைபு நீக்கிய விசேடமும், வெண்குடைப்
பெருவிறல் முதலிய தன்னொடு இயைபின்மை நீக்கிய விசேடமும் என்ற இருவகை
விசேடமும் விளக்கப்பட்டுள்ளன.

தன்னொடு இயைபின்மை நீக்கிய விசேடத்தில் வெண்குடை வழுதி, செஞ்ஞாயிறு
என்றாற் போன்ற இருவகைகள் இருப்பதும் அறிக. நூற்பா தொல்காப்பிய நூற்பா.
உரையின் பெரும் பகுதி சேனாவரையர் நச்சினார்க்கினியர் உரைத்தனவே.
 

ஒத்த நூற்பாக்கள்
 

இருதிணை இருபாற் பொதுப்பெயர் மரபு
 

இஃது இருதிணை இருபாற்கும் பொது ஆகிய பெயர்க்கண்ணது ஒரு மரபு   
வழுக் காக்கின்றது.

     இ-ள்: உயர்திணைக் கண்ணும் அஃறிணைக் கண்ணும் பெயரினானும்
வினையினானும் பொதுமையின் பிரிந்து ஆண்மைக்கும் பெண்மைக்கும் உரியவாய்
வருவன எல்லாம் வழு ஆகா, வழக்கின்கண் அடிப்பட்டன ஆகலான் என்றவாறு.

உயர்திணைக் கண்ணும் அஃறிணைக் கண்ணும் என்பது அதிகாரத்தான் வந்தது.