இ-ள்: தெரிநிலை முற்றும் குறிப்பு முற்றும் பெயரெச்சமும் வினையெச்சமும்
எழுவாயும் விளியும் ஆறு உருபுகளையும் ஏற்ற சொற்களும் இடைச்சொல்லும்
உரிச்சொல்லும் அடுக்கு மொழியும் தத்தமக்கு உரிய மொழிகளோடு தொடரும். இவை
முற்கூறிப் போந்த தொகாநிலைத் தொடர்மொழிகளாம் என்றவாறு.

வரலாறு: உண்டான் சாத்தன்- குழையன் கொற்றன்- உண்ட சாத்தன்- கரிய
குதிரை- உழுது வந்தான்- விருந்தின்றி உண்ட பகலும்- ஆவந்தது- சாத்தாகேள்-
நிலத்தைக் கடந்தான்- சாத்தனொடு வந்தான்- சாத்தற்குக் கொடுத்தான்- வரையின்
இழிந்தான்- சாத்தனது ஆடை- தட்டுப்புடைக்கண் சென்றான்-
 

விளக்கம்
 

தொகாநிலை அல்வழிக்கண் ஒன்பது, வேற்றுமைக்கண் ஆறு என்பது அறிக.
“வேற்றுமைத்தொகை விரிந்தவழி வேற்றுமைத் தொகாநிலை, வினைத்தொகை விரிந்தவழி
பெயரெச்சத்தொகாநிலை, பண்புத்தொகையும் உவமைத்தொகையும் உம்மைத்தொகையும்
விரிந்தவழி இடைச்சொற்புணர்ச்சி, அன்மொழித்தொகை விரிந்தவழி
வேற்றுமைத்தொகாநிலை முதல் ஏற்பனவுமாம் என்பது அறிக.’- நன்.374 விருத்தி.
 

ஒத்த நூற்பாக்கள்