:: TVU ::

688

இலக்கண விளக்கம் - சொல்லதிகாரம்

ஒத்த நூற்பாக்கள்
	முழுதும் ‘என்றசென்ற என்னும் அவையன்றி இட்டுரைத்தல் எய்தப் படும்வழக் கிற்கு. ‘கேட்குந போலவும் கிளக்குந போலவும் இயங்குந போலவும் இயற்றுந போலவும் அஃறிணை மருங்கினும் அறையப் படுமே.’ ‘சின்மயம் சார்ந்ததத் தம்பொரு ளின்றிச் சிலபதங்கள் அன்வயம் சம்பந்தம் தாற்பரி யத்தோடு அநுபபத்திச் சென்மயம் தோன்றப் பொருள்வேறு உணர்த்தின் துடியிடையாய் தன்மயம் சார்ந்த இலக்கணை யாமென்பர் தார்க் கிகரே.’	தொல்.சொல்.422, மு.வி.ஒ.105 நே.சொல்.66 நன்.408, மு.வீ.ஒ.114 பி.வி.4
பத்துவகை எச்சங்கள்
348	பெயர்வினை எதிர்மறை பிரிப்புஒழிபு உம்மை எனஎனும் சொல்ஒழிபு ஏழொடும் சொல்இசை குறிப்புஎனும் குறிப்புஒழிபு உளப்படத் தொகைஇ எஞ்சு பொருட் கிளவி ஈரைந்து ஆகும்.
இது முற்கூறிப்போந்த எச்சச் சொற்களுக்கு முடிபு கூறுவான் அவற்றது பெயரும் முறையும் தொகையும் உணர்த்துவது ஆயதோர் ஒழிபு கூறுகின்றது. இ-ள்: பெயரெச்சமும் வினையெச்சமும் எதிர்மறை எச்சமும் பிரிநிலை எச்சமும் ஒழியிசை எச்சமும் உம்மை எச்சமும் என என் எச்சமும் ஆகிய சொல் எச்சம் ஏழொடும், சொல்லெச்சமும் இசைஎச்சமும் குறிப்பு எச்சமும் ஆகிய குறிப்பெச்சம் மூன்றும் கூடத் தொகுதலான் எஞ்சு பொருட்கிளவி பத்து வகைப்படும் என்றவாறு.