‘எஞ்சிய மூன்றும் மேல்வந்து முடிக்கும்
                    எஞ்சுபொருட் கிளவி இலவாம் அவைதாம்
                    தத்தம் குறிப்பின் எச்சம் செப்பும்’
என்றது, அவ்வத் தொடருக்குத் தாம் எச்சமாய் வந்து அவற்றது அவாய் நிலையை
நீக்கலின், பெயரெச்சம் முதலாயின போலத் தம்மைமுடிக்கும் பிறசொல்லைத் தாம்
அவாய் நில்லா; அவை பிறசொல்லாகத் தாம் எச்சமாய் நிற்கும் ஆகலின் என்பதாம்.

இவற்றிற்கு எடுத்துக்காட்டுக்கள் தருதும், அவற்றுள் சொல்லெச்சத்திற்கு
எடுத்துக்காட்டு முன்னர்த் தருதும்.