இது நிறுத்த முறையானே தாப்பிசைப் பொருள்கோள் ஆமாறு கூறுகின்றது.

இ-ள்: செய்யுளின் இடைநின்ற சொல் முதலினும் ஈற்றினும் சென்று பொருளை
ஒட்டிநிற்பது தாப்பிசைப் பொருள்கோளாம் என்றவாறு.
 

ஊசலின் இடையே உள்ள தாம்பு ஊசலை இயக்குதற்கண் இரு மருங்கும் சென்று
பயன்படுவது போல, ஒரு பாடலின் இடையில் உள்ள சொல் இருமருங்கும் சென்று
பொருள் வரும் நிலை தாப்பிசைப் பொருள்கோளாகும். தாம்பு-கயிறு. இதனை
இடைநிலைத்தீவகம் என்ற பொருளணிவகை யாக்கு அணிநூலார்.

‘உண்ணாமை’ என்ற பாடலில் இடையில் உள்ள ஊண் என்ற சொல் முன்னும்
பின்னும் வந்து ‘ஊன் உண்ணாமை’ ‘ஊன் உண்ண’ என்று பொருள்பட்டவாறு காண்க.