தொல்காப்பியனார் பெயர்களின் வகைகளையே பெயரிய கூறிப்போந்தார்.
பெயரிலக்கணம் வேற்றுமைஇயலில் வேற்றுமைக்கு இலக்கணம் கூறிய வழியே
பெரும்பாலும் அமைந்து கிடந்தமையின், மீண்டும் பெயரியலில் அதனைக் கூறுவதற்கு
முற்படவில்லை.
|
| | ‘கூறிய முறையின் உருபுநிலை திரியாது
ஈறுபெயர்க்கு ஆகும் இயற்கைய என்ப.’ |
தொல். சொல். 69
|
என்று உருபு பெயர்ப்பின் வருதல் கூறவே, உருபு ஏற்றலாகிய பெயர் இலக்கணமும்,
|
| | ‘அன்றி யனைத்தும் பெயர்ப்பய னிலையே’.
| தொல்.சொல். 66 |
என்று எழுவாய் பயனிலை கொண்டு முடிதல் கூறவே பயனிலை கோடலாகிய
பெயரிலக்கணமும் பெறப்பட்டமையின் இயைபுபற்றி,
|
| | ‘பெயர்நிலைக் கிளவி காலம் தோன்றா
தொழில்நிலை ஒட்டும் ஒன்றலங் கடையே.’ |
தொல்.சொல். 70
|
என்று காலம் தோற்றாமையும் வேற்றுமை யியலிலேயே கூறி விட்டார்.
|
ஒத்த நூற்பாக்கள்:
|
| | ‘அவற்றுள்,
பெயரெனப் படுபவை தெரியுங் காலை
உயர்திணைக்கு உரிமையும் அஃறிணைக்கு உரிமையும்
ஆயிரு திணைக்கும் ஓரன்ன உரிமையும்
அம்மூ உருபின தோன்ற லாறே.’
‘இருதிணைப் பிரிந்த ஐம்பால் கிளவிக்கும்
உரியவை உரிய பெயர்வயினான.’ |
தொல். சொல். 160
தொல்.சொல். 161 |