இ-ள்: கள்ளொடு சிவணாமையின் பால் வரையப்படாது நின்ற அஃறிணை
இயற்பெயர்கள் அத்திணை இருபாற்கும் பொதுவாய் நிற்றலை உடைய என்றவாறு. வரலாறு: ஆ வந்தது வந்தன, குதிரை வந்தது வந்தன ஒன்று பல, குதிரை ஒன்று
பல எனவரும். 24 |
விளக்கம்
|
பழந்தமிழில் அஃறிணை இயற்பெயரே ஒருமை பன்மை இரண்டையும் குறிக்கப்
பயன்படுத்தப்பட்டது. அஃறிணை இயற்பெயர்கள்ளொடு சேர்ந்தவழிப் பன்மைக்கே
உரியது ஆகும் என்ற விதியிருப்பினும், கள்ளொடு சிவணுதலை மிக அருகியே
காணலாம் தொல்காப்பியனாரும் தம் நூற்பாவில்
|
| | ‘நெட்டெழுத் திம்பர் ஒற்றுமிகத் தோன்றும்
அப்பால் மொழிகள் அல்வழி யான’ | தொல். 196 |
எனக் கள்ளீற்றை அருகியே வரப் பயன்படுத்தியுள்ளார்.கள்ளொடு சிவணாதவழி ஒருமைக்கும் பன்மைக்கும் பொதுவாய் நின்ற அஃறிணை
இயற்பெயர் இக்காலத்துப் பெரும்பாலும் ஒருமையே குறித்தல் காண்க.
|
ஒத்த நூற்பாக்கள் |
| | ‘தெரிநிலை உடைய அஃறிணை இயற்பெயர்
ஒருமையும் பன்மையும் வினையொடு வரினே.’
முழுதும் -
‘அன்றியும் இருமைக்கு அஃறிணைப் பொதுவே.’
‘பாங்கார் பெயர்வினை கொண்டன்றிப் பால்தோன்றா
................அஃறிணைப்பேர்.’ | தொல்.சொல்.171
நன். 281
தொ.வி. 80
நே.சொல்.37 |