நோய் தீரும் மருந்து- தீரும் என்பது மருந்து என்ற கருவிப்பெயர் கொண்டு
முடிந்தது; என்னை? நோய்தீருவதற்கு ஏதுவாகிய மருந்து கருவிக்கண் அடங்குதலின்
என்க.

சிறந்தஇவன்- சிறந்த என்ற பெயரெச்சம் இவள் என்ற கருவிப்பெயர் கொண்டது.
என்னை? அவன் சிறத்தற்கு ஏதுவாகிய இவள் கருவிக்கண் அடங்குதலின் என்க.
(தேரோடும் புறங்காணேன் ஆயின் என்’ என்று பாடத்திலுள்ளது)

நிலம் பூத்தமரம்- பூத்த என்பது மரம் என்னும் கருவிப் பெயர் கொண்டது.
என்னை? நிலம் பொலிவு பெறுதற்குக் காரணமாகிய மரம் கருவிக்கண் அடங்குதலின்
என்க.

காணும் மருந்து - காணும் காட்சியாகிய மருந்து என்று பொருள்படுதலின் காணும்
என்பது வினையைக் கொண்டு முடிந்ததாகக் கொள்ளப்படும். வினை- செயல். இது
சேனாவரையர் கருத்து. (தொல்.சொல். 234)