உதாரணம்: வெள்ளாடை, அகரஈறு என்பன பண்புத்தொகை நிலைக்களத்துப்
பிறந்த அன்மொழித்தொகை. தகரஞாழல் என்பது உம்மைத்தொகை
நிலைக்களத்துப்பிறந்த அன்மொழித்தொகை. பொற்றொடி என்பது வேற்றுமைத் தொகை.
நிலைக்களத்துப் பிறந்த அன்மொழித்தொகை.

இனி அவை வெளியது ஆகிய ஆடையை உடுத்தாள் என்னும் பொருள் படுமாறு
வெள்ளாடையாள் எனவும், அகரம் எனப்படுவது ஆகிய ஈற்றை உடைய சொல் எனப்
பொருள்படுமாறு அகர ஈற்றது எனவும், தகரமும் ஞாழலும் ஆகிய சாந்தினைப் பூசினாள்
எனப் பொருள்படுமாறு தகர ஞாழலாள் எனவும் பொன்னால் ஆகிய தொடியினைத்
தொட்டாள் எனப் பொருள்படுமாறு பொற்றொடியாள் எனவும் விரியும். அவற்றுள்
அன்மொழித்தொகை இருபெயரையும் பற்றி நின்றமை காண்க.

இனி, எல்லா அன்மொழித்தொகையும் இறுதிச்சொற் கண் நின்று நடக்கும் எனச்
சேனாவரையர் முதலாயினார் உரை கூறினாரால் எனின், அன்மொழித்தொகைக்கு
ஆடையாள், ஈற்றது, ஞாழலாள், தொடியாள் என இறுதிச்சொல் மாத்திரம் இடமாக
நில்லாமையானும், அதற்கு இரு பெயருமே