இனிப் பண்பும் உம்மையும் வேற்றுமையும் தொக்க சொற்களின்கண் நின்று
நடக்கும் அன்மொழித்தொகை எனவே, அவை தொகாது வெளிப்பட்டு நின்ற சொற்களின்
கண் நின்று அன்மொழித்தொகை நடவாது எனவும் கூறினார் ஆயிற்று. அவற்றுள்
பண்புத்தொகை விரியும் இடத்து அதன் சொல்லான் அன்றிப் பிறசொல் கொண்டு
விரியும்.

இனிப் பண்புத்தொகை முதலிய மூன்றையும் விதந்து கூறி அவை ஒழிந்த ஈறு
எனப் பொருள்படுமாறு ‘ஈற்றும் நின்று’ எனக் கூறலான், தொகைமொழியுள் விதந்துகூறிய
அம்மூன்றும் ஒழிந்த உவமையும் வினையும்- தொக்க சொற்றொடர்களின் ஈற்று நின்ற
பெயர்க்கண்ணும், அவை தொகாது வெளிப்பட நின்ற தொகாநிலைச் சொற்றொடர்களின்
ஈற்று நின்ற பெயர்க்கண்ணும் ஏனைய தொகாநிலைச் சொற்றொடர்களுள்
அன்மொழித்தொகைக்கு முதல்நிலை ஆகும் இயல்பின அல்லாத சொற்றொடர்கள்
ஒழிந்த பிறசொற்றொடர்களின் ஈற்று நின்ற பெயர்க்கண்ணும் அன்மொழித்தொகை நின்று
நடக்கும் எனக் கூறினார் ஆயிற்று,