ஐயம் நிகழுதல் அவ்வாறாயின் தெய்வத்தன்மையால் காமம் நிகழ்தற்கு இடனாக
நின்ற இருதிணைக்கும் பொதுவாகிய கனவிய குழையை உடைய ஓர் வடிவம் என
அன்மொழித்தொகையால் பொருள் கொண்டு ஐயப்பொதுச் சொல் ஆக்கல் இலக்கணமாம்
பிற எனின், தமியளாய் நின்றாளைத் தமியனாய்ப் பகற்கண் கண்ட தலைமகன் சிறிய
வடிவினை உடைய அணியைக் கனங்குழை எனச் சிறப்பான் உணர்ந்து அதனினும்
பெரிய வடிவினை உடைய பொருளை இற்று என உணராது இருதிணைப் பொதுவாக
உணர்ந்தான் எனல் காண்டல்விரோதமாக முடிதலானும், மகளிர் என உணராஇடத்துக்
கீழோர்க்கும் காமம் நிகழாமை கண்கூடு ஆதலின் தலைமகனுக்கு ஆண்டுக் காமம்
நிகழும் எனல் உலகியலோடு மலைதலானும் அது பொருந்தாமையான் அணங்குகொல்
மயில்கொல் ‘மாதர்கொல் என்னும் பொருள் ஐயத்துக்குக் கனங்குழை
அன்மொழித்தொகைப் பொருளை உணர்த்தின் ஐயப்பொதுச்சொல் ஆகாது முன்னோர்
நூலின் முடிபொடு முரணும் என்பது