சதுரங்கம், சக்கரம், கரந்துறை, கூடச்சதுக்கம், காதைகரப்பு
ஆகியவற்றை விளக்குகின்றது.

     உரை : பரிக்காலில் வேறுபாடு முதலில் வேறுபாடு இருப்பது சதுரங்கம்.
நாலாரைச் சக்கரம், ஆறாரைச் சக்கரம், எட்டாரைச் சக்கரம் என்று மூன்று
வகைப்படும் சக்கரம்.

     ஒரு செய்யுளில் பிறிது செய்யுளினுடைய சொற்களின் எழுத்துக்கள்
பொறுக்கி எடுத்துக் கொள்ளும்படி பாடுவது கரந்துறையும் செய்யுள். ஒரு
செய்யுளை வரிக்கு எட்டு எழுத்துக்களை உடைய நான்கு வரி எழுதி
முதல் வரிசையிலுள்ள எழுத்துக்களை மேலேயிருந்து கீழேயும் கடைசி
வரிசையிலுள்ள எழுத்துக்களை கீழே இருந்து மேலேயும் படித்து மேலும்
இரண்டாம் வரிசையை மேலே இருந்து கீழேயும் கடைசிக்கு அடுத்த
வரிசையைக் கீழே இருந்து மேலேயும் படித்து, தொடர்ந்து இவ்வாறு
படித்துக் கொண்டு வந்தால் அந்த வரி நான்கும் ஏற்பட்டு அதே
செய்யுளாகவே முற்றுப் பெறுவது சுழிகுளம். இறுதி அடியிலுள்ள
எழுத்துக்களை ஏனைய மூன்று அடியுள்ளும் மறைந்து நிற்கும்படி பாடுவது
கூடச்சதுக்கம்.

     ஒரு செய்யுள் முடிய எழுதி அதன் இறுதிச்சொல்லின் முன்னர் உள்ள
சொல்லின் முதலெழுத்துத் தொடங்கி