(வி - ம். ) போதில் ஒரு பூவில் பயிராம் என்ற முரண்டொடைநயத்தை ஓதி உணர்க. பூவும் பயிராகும் என்ற முரணும் ஒரு பூவில் ஐந்து பூவும் என்ற நயமும் காண்க. ஒரு பூவில்-ஒரு போகத்தில். ‘மள்ளருக்கே தோன்றி வயலுற்று நட்ட’ என்றும் பாடம்.

(9)

பள்ளன் வரவு
சிந்து
இராகம் : சுருட்டி. தாளம் : ஆதி.

(இ - ள்.) சீற்றங் கொள்ளும் ஆட்டுக்கடாயின் கொம்பு போன்ற முறுக்கு மீசையும், அழகிய கத்தரிக்கோலால் வெட்டிவிட்ட அழகான கன்னத்துப் பக்கத்தின் எழிலும், இடுப்பில் வழுதடி என்ற ஒருவகைப் படைக்கலத்துடன் சேர்த்து இறுக்கிக் கட்டிய கச்சையும், செம்