இனிக் ¹குடியென்னுங் குன்றா விளக்கம் அவித்து, ²இடிபுரிந் தெள்ளுஞ்சொற் கேட்பித்துத் ³தன் னொன்னார்க் கடிமை புகுத்தி விடும் மடியுடையாற்கு எத்துணைக் கற்பித்தாலும் அவன் கற்றற்கு முயலான் ஆகலானும்,

என்றார் ஆகலின் முயலாதாற்கு அறிவு ஊறாமையானும், மடியை முன் கூறினார். மடியிலன் ஆயினும் ⁵மாண்பிறந்த மானம் உளதேல் அந்தணர் முதலாயினாரை வணங்காமையும் முடிக்கப்படாதாயினும் கருதியது முடித்தேவிடுதல் கருத்தும் உடையனாய்க் கல்விப் பயனை இழத்தலின் அவனைப் பின் கூறினார். மடி மானம் என இவை இலவாயினும் பொச்சாப்பு உளதேல்,

என்றார் ஆகலின், அது புகழைக் கொல்லும் ஆகலின் அவனை அவர்க்குப் பின் கூறினார். மடி மானம் பொச்சாப்பு இலனாயினும் காமுகன் ஆயின்,

என்றார் ஆகலின் அவன்மாட்டு அறம் முதலாயின அழிதலின் அவனை அவர்க்குப் பின்கூறினார். அக்காமமும் இல்லானாயினும் கள்ளல் உள்வழி,

எனவும் ⁹கள்வார்க்குத் தள்ளு முயிர்நிலை எனவும் கூறினார் ஆகலின், அவன் அருளின்றி மறுமைப் பயனும், அன்பின்றித் தன் உடம்பும் இழப்பான் ஆகலான் அவனை அவர்க்குப் பின் கூறினார்.