இனி, ‘இன்னது இது என வரூஉம் இயற்கை என்ன கிளவியும்’ என்றதனான், பண்புபற்றி வருதலேயன்றிப் பெயரினால் ஒன்றையொன்று விசேடித்து வந்து ஒட்டுப்படினும் பண்புத்தொகையாம் என்று கொள்க. ⁸வாணிகச் சாத்தன், சாரைப்பாம்பு எனவரும். ⁹ஆயன்சாத்தன், ஆசிரியன் நல்லந்துவன் என எழுவாயும் பயனிலையுமாகி வருதலின்றி ஒட்டுப்படாத நிலைமையவாயினும் முதற்பெயர் விசேடணமாகிவரின் அதுவும் பண்புத் தொகையாம் என்று கொள்க.

நச்

இது பண்புத்தொகை கூறுகின்றது.

இ-ள் : இன்னது இது என-ஒரு பொருட்குப் பொதுமையுள்வழி இப்படி இருப்பது இப்பொருள் என்று அதனை விசேடித்துக் கூறும்படியாக, அதன் குணம் நுதலி-பின் வருகின்ற அப்பொருளின் குணத்தைத் தான் கருதி, வண்ணத்தின் வடிவின் அளவின் சுவையின் வரூஉம் இயற்கைக் கிளவியும்-அப்பொருட்குணமாகிய வண்ணத்தின் கண்ணும் வடிவின் கண்ணும் அளவின் கண்ணும் சுவையின் கண்ணும் வரும். இயல்பாகிய கிளவியும், அன்ன பிறவும் என்று வரூஉம் கிளவியும்-அவை போல் வன பிறவும் என்று சொல்லப்பட்டு வரும் கிளவியும், என்ன கிளவியும்-எத்தன்மைவாகிய சொற்களும், பண்பின் தொகை-பண்புச் சொல் தொக்க தொகையாம், எ-று.

பண்பு எனப் பண்புச் சொல் உணர்த்திற்று; ஆகு பெயராய். எழுத்ததிகாரத்து.

“உயர்திணை அஃறிணை ஆயிரு மருங்கின்

6. ஒருபுடை ஒப்புமை - வேற்றுமைத் தொகையாகவும் விரிக்கப்படும் ஒற்றுமை.

7. தற்புருடசமாசம்

8. வாணிகச்சாத்தன் - வாணிகனாகியசாத்தன்.

9. ஆயன் சாத்தன்-ஆயனாகிய சாத்தன் எனின் பண்புத்தொகை; சாத்தன் என்பான் ஆயன் எனவோ ஆயனாவான் சாத்தன் எனவோவரின் எழுவாய்த்தொடராம்.