அவை வரவும் சொல்லுதலும் உணர்த்தாது ¹இன்ன என்பதனைக் குறிப்பால் உணர்த்தியவாறு கண்டு கொள்க.

முலை வந்தன, தலை வந்தன என்பன காட்டுவாரும் உளர். ஆண்டு வருதல் வளர்தற் பொருட்டாகலான் அவை ஈண்டைக்காகா வென்க.

நிலம் வல்லென்றது, நீர்தண்ணென்றது என்பன காட்டினாரால் உரையாசிரியர்களின், ²சொலற்பொருள வன்மையின் அவை காட்டல் கருத்தன் றென்க.

³அன்னவை யெல்லாம் என்றதனான், இந்நெறியாண்டுச் சென்று கிடக்கும், இக்குன்று அக்குன்றோடு ஒன்றும் என்றும் தொடக்கத்தன கொள்க.

தெய்

ஒருசார் சொற்களுக்குக் குறியிடுதல் உணர்த்துதல் நுதலிற்று.

இ-ள் : வாரா மரபினவற்றை வருமாகக் கூறுதலும், என்னாமரபினவற்றை என்றனவாகக் கூறுதலும் அத்தன்மைய பிறவும் எல்லாம் அவற்றவற்றியல்பினான் இத்தன்மைய என்னும் குறிப்புரையாகும், எ-று.

வாராமரபின என்றதனாற் செலவு வரவு என்பன கொள்ளப்படும். என்னாமரபின என்றதனான் நினைத்தலும் சொல்லுதலும் செய்தலும் கொள்ளப்படும்.

1. அவலவல் என்கின்றன நெல் - அவல் செய்யும் நிலையில் விளைந்து விட்டேன் என்கின்றன நெற்கதிர்கள்.

2. சொலற்பொருள அன்மையின்-சொல்லும் குறிப்புப் பொருளை அல்லாமையின்-அதாவது அவற்றின் இயல்பேயாகலின்.

3. செல்லா மரபின சென்றதுபோலக் கூறுதலும் ஒன்றா மரபின ஒன்றுவதுபோலக் கூறுதலும் கொள்க என்பது இவ்வுதாரணங்களின் மூலம் குறித்தபடி.