ஆ. மொ. இல.

‘Kettai’, ‘ninrai’ and ‘Kandai’ - all these -
are to be expletives except in the second
person.

இளம்

இச்சூத்திரம் என்னுதலிற்றோ வெனின், இவை முன்னைய நான்கும்போல வினாவொடு படாது வாளாதே நின்றுழி இவையும் அசைச் சொல்லாய் நிற்கும் என்பது கருத்து.

¹முன்னின்றவற்று நிலைமையல்வழி யென்பார் ‘முன்னிலையல் வழி’ என்றார் என்பது.

வ-று : கேட்டை கேட்டை, நின்றை நின்றை, காத்தை காத்தை, கண்டை கண்டை எனவரும். இவையும் ²கட்டுரைக்கண் வருமிடம் அறிந்து கொள்க.

இனி, இவை வினாவொடு பட்டுழியாயக்கால் அசை நிலை யாகா என்பது.

சேனா

இ-ள் : கேட்டை எனவும், நின்றை எனவும் காத்தை எனவும் கண்டை எனவும் வரும் நான்கும் ¹முன்னிலை யல்லாக்கால் மேற்சொல்லப்பட்ட அசைநிலையாம், எ-று.

1. முன்சூத்திரத்தில் (29ல்) நின்ற கண்டீர் முதலியவற்றின் நிலைமை யல்லாதவழி என்றது வினாவொடு கூடாதவழி என்பது.

2. கட்டுரை - உரையாடல்.

1. கேட்டை முதலாயின முன்னிலை யாயின் வினைச்சொற்களாம்; அசை நிலையாயின் இடைச் சொற்களாம் என்பது சேனா. கருத்து.