முடியும் என்றும் கூறியதே அமையும் பிறவெனின், அதற்கு விடை ; ³ஆண்டு வினைமுதலானும் முடியும் என்புழிப் பெயர் வினைமுதலானும் முடியும் என்பது பட்டது; என்னை? வினை வினைமுதல் என்றும் பெயர் வினைமுதல் என்றும் பகராது பொது வகையாற் கூறினாராகலின் இச்சூத்திரம் வேண்டும். இது கூறாக்கால், ‘உழுது சாத்தன்’ எனப் பெயர் வினை முதலானும் முடிவான் சொல்லும் என்பது. ⁴அன்றியும் வினையெச்சத்திற்கு வினைக்குறிப்பு முடிபாங்கால் ஆக்கமொடு வருதல் எடுத்தோத வேண்டும் என்பது.

சேனா

இ-ள் : வினையெச்சத்திற்குத் தெரிநிலை வினையும் குறிப்பு வினையும் முடிபாம்; ஆண்டைக் குறிப்பு வினை ஆக்க வினையோடு வரும், எ-று.

உ-ம் : உழுது வந்தான், மருந்துண்டு நல்லனாயினான் எனவரும்.

3. வினைதல் என்பது பெயர் வினைமுதல் வினை வினைமுதல் என இருவகைப்படும். உழுது வந்தான் என்பதில் வந்தான் என்பது வந்தவனாகிய ஒருவனைக் குறிக்கும் போது பெயர் வினைமுதல்; வந்தான் என்னும் வினையைக்குறிக்கும் போது வினை வினைமுதல். ‘முதல் நிலை’ ‘ஏனையெச்சம்’ என்னும் சூத்திரங்களில் வந்த வினை முதல் என்பது பெயர் வினைமுதலையும் குறித்துவிடும். வினை வினை முதலையே கொண்டு முடிவது வினையெச்சம் என்பது அச்சூத்திரங்களாற் பெறப்படாது; அதனால் இச்சூத்திரம் வேண்டும். இச்சூத்திரத்தில் பெயர் வினைமுதலைக்கொண்டு முடிவதைத்தழுவிக் கொள்ளுதல் வேண்டும். அதனால் தான் “இனி.... தொழிற் பெயரானும் முடியும் என்றவாறு” என எழுதினார் இளம்பூரணர்.

4. இக்காரணம் நன்று.