தெய்

(கொடுவென் கிளவி என்பதில் உரை காண்க)

நச்

இஃது இரண்டாவதன் மரபு கூறுகிறது.

இ-ள் : தாஎன் கிளவி-தன்மை முன்னிலைக்கு உரிய ‘தா’ என்னும் சொல், ஒப்போன் கூற்று-இரக்கப்படுவானோடு ஒக்கும் இரவலன் அவனை இரக்குங்கால் கூறும் கூற்றாம், எ-று.

எனவும் ¹’கொடு’ போலவருவன கொடுப்பான் பொருளாய்க் கொள்வான் கண் செல்லாதனவற்றை இரந்தனவாம்.

‘ஒப்போன் கூற்று’ என்றாரேனும் சிறுபான்மை வலியாற் கொள்ளுமிடத்தும் ‘தா’ என்பது வரும் எனக்கொள்க.

²“நின்னது தாவென நிலைதளரக்
குரங்கன்னபுன் குறுங் கூளியர்
பரந்தலைக்கும் பகையொன் றென்கோ”       (புறம். 136)

எனவரும்.

வெள்

(‘கொடுவென் கிளவி’ என்பதில் உரை காண்க)

1. ‘கொடு’ போல வருவன-கொடு என்னும் பொருள் போல வருவன. நலம் என்பது கொடுக்கப்படுவதும் கொள்ளப்படுவதும் இல்லை; அதனால் கொடுப்போன் பொருளாய்க் கொள்வான் மேற்செல்லாதாயிற்று.

2. பொருள் : வழிச்செல்வோர் வைத்திருக்கும் பொருளைத் திடீரென வந்து பறிக்கும் குரங்கு போலும் சிறிய வழிப்பறி செய்யும் கள்வர் வந்து நின்னிடத்துள்ளதைத் தா என மனநிலை தளரப் பரந்து அலைக்கும் பகை ஒன்று என்பேனோ.