கை வாரம்போல்வானைக் ‘கைவாரி’ எனவும், திரு இல்லாதாளைத் ‘திருவிலி’ எனவும், அறிவு இல்லாதானை ‘அறுவிலி’ எனவும், நூல் ஓதினானை ‘நூலோதி’ எனவும் இவ்வாறே ¹ஈறு திரிந்து வருவனவும் பிறவும் பிரித்துக் காட்டுக.

²வில்லி வாளி வினைக்குறிப்புமுற்று ஈறு திரிந்த பெயர்.

³வலைச்சி, பனத்தி, வெள்ளாட்டி முதலியன சகரமும் தகரமும் டகரமுமாகிய இடைநிலை பெற்றன.

⁴சொட்டிச்சி, கணக்கச்சி முதலியன இச்சு என்னும் இடைநிலை பெற்றன.

⁵கணவாட்டி-இவ்வினைப் பெயர் டகரம் பெற்றது. இன்னும் இவ்வாறே வருவன பிறவும் பிரித்துக் காட்டுக.

‘கிள்ளிகுடி’ - கிள்ளியுடைய குடிமக்கள் இருக்கும் ஊர் எனவும், கீழ்வயிற்றுக்கழலை - கீழ்வயிற்றின்கண் எழுந்த ⁶கழலை போல்வான் எனவும் அன்மொழித் தொகையாம்.

‘வடுகக் கண்ணன்’ வல்லொற்று அடுத்தால் ‘வடுக நாட்டிற் பிறந்த கண்ணன்’ என்றாம்; ‘வடுகங்கண்ணன்’ என மெல்லொற்று அடுத்தால் ‘வடுகனுக்கு மகனாகிய கண்ணன்’ என்றாம்.

1. கைவாரன், திருவிலான் அறிவிலான், ஓதினான் என்னும் னகர வீறு இகர வீறாகத் திரிந்தமை காண்க.

2. வில்லன், வாளன் என்பன அவ்வாறு திரிந்தன.

3. வலை+இ, பாண்+இ, வெள்ளாள்+இ எனப்பிரித்து இடைநிலைகள் பெய்து புணர்க்க.

4. செட்டி+இ, கணக்கன்+இ எனப்பிரிக்க.

5. கணவாள்+இ எனப்பிரிக்க.

6. கழலை - கட்டி (நோய்)