“இரும்பு திரித்தன்ன ³மாயிரு மருப்பிற்
பரல்அவல் அடைய இரலை தெரிப்ப”       (அகம். 4)

என்பதும் அது.

^*‘பொன்னோடைப் புகரணிறுதல்
துன்னருந்திறல் கமழ்கடாஅத்து
எயிறுபடையாக வெயிற்கத விடாஅக்
கயிறுபிணிக் கொண்ட கவிழ்மணி மருங்கிற்
பெருங்கை யானை யிரும்பிடர்த் தலையிருந்து
மருந்தில் கூற்றத் தருந்தொழில் சாவா’       (புறம். 3)

என்றாற்போல வருவன எல்லாம் ⁴‘அணுசிவந்த மாட்டு’ என்னும் உறுப்பு.

‘ஆரிய மன்னர் பறையின் எழுந்தியம்பும்’ (யா. வி. 95 உரை மேற்) என்பதும் அது.

⁵‘அகன்றுவந்தமாட்டு’ முருகாற்றுப்படை முதலியவற்றுட் காண்க.

மொழிமாற்றாவது, கேட்டோர் கூட்டி உணருமாற்றான் ஈரடிக்கண்ணே வருவது என்றும், ‘மாட்டு’ என்னும் உறுப்பாவது, இரண்டிறந்த பலவடிக்கண்ணும் பல செய்யுட்டொடரின்கண்ணும் அகன்றும் அணுகியும் வரும் என்றும் உணர்க. அஃது,

3. இருமா என மாறுக

* பொருள் : பொன்னாலாகிய பட்டத்தையும் புள்ளிகளையும் உடைய அழகிய நெற்றியையும், நெருங்க அரிய திறலையும், மணநாறும் மதநீரையும், கயிற்றாற் கட்டப்பட்ட கவிழ்ந்த மணிகளையுடைய இருபக்கங்களையும், பெரிய கையையும் உடைய-பல்லே படையாகக் கொண்டு மதில் கதவை விட்டு நீங்காத யானையது பெரிய பிடர்த்தலையில் இருந்து.

4. அணுகிவந்தமாட்டு=அணிமைக்கண்வந்த கொண்டு கூட்டு.

5. அகன்றுவந்தமாட்டு-நெடுந்தொலைவில் சென்று பொருள் கொள்ளும் கொண்டு கூட்டு.