மென்பதூஉங் கூறியவாறாயிற்று; என்னை? அறிவரெனப்படுவார் மூன்று காலமுந் தோன்ற நன்குணர்ந்தோரும் புலனன்குணர்ந்த புலமையோரு மாகலானும், இனிப் பார்ப்பாரும் அவ்வாறே சிறப்புடையராகலானும், அவர்வழிநிற்றல் அவர்க்குக் கடனாகலானு மென்பது.

(197)

[பரத்தையும் வாயில்களுந் தலைவி கேட்பச்
சொல்லல்வேண்டுமெனல்]

இது, பயனில்கூற்றுணர்த்துதல் நுதலிற்று.

இ--ள் : பரத்தையும் வாயில்களுமென்னும் இரண்டு வேறு பாட்டின்கண்ணும் எழுந்த கிளவி கிழத்தி கேட்பாளாகக் கருதிச் சொல்லாக்காற் பயமிலவென்றவாறு.

கிழத்தியைச் சுட்டாவெனவே, ¹பாங்காயினார் கேட்பச் சொல்லினும் அமையுமென்பதாயிற்று.

“செறிதொடி தெளிர்ப்ப வீசிச் சிறிதிவ
 ணுலமந்து வருகஞ் சென்மோ தோழி.”

(அகம். 106)

²என்றக்கால், தலைவிக்குப் பாங்காயினார் கேட்ப[ச் சொல்லி]க் கூறல்வேண்டுமென்பது. வாயில்களுந் தலைமகளை ஊடல்காப்பவல்லது சொல்லாராகலான் தலைமகள் கேட்பாளாகச் சொல்ல வேண்டுமென்பது. ‘சுட்டாக் கிளப்புப் பயமில’ என்றதனான், வாயில்கள் கூறுவனவுங் கிழத்திக்குப் பாங்காயின தோழி கேட்பச் சொல்லினும் அமையும். அவற்றுக்குச் செய்யுள்:

“ஓருயிர் மாத ராகலி னிவளுந்
 தேரா துடன் றனண் மன்னே.”

என்பது, கிழத்தி கேட்ப வாயில்கள் கூறியது. இது ³தோழி கேட்பச் சொல்லியதூஉமாம்.

(198)

1. பாங்காயினார்--கிழத்திக்குப் பாங்காயினார்.

2. இது தலைவிக்குப் பாங்காயினார் கேட்பச் சொல்லியது என்றிருப்பது நலம்.

3. தோழி கேட்பினும் தலைவி கேட்டதேயாமென்க அவளின் வேறின்றாகலின் என்க. இனி இவள் அத்தலைவிக்கு அறிவிப்பாளுமாம்.