[வணிகர் எண்வகைக் கூலமும் பெறுவர் எனல்]

இன்னும் வணிகர்க்கே உரிய தொழில் கூறுகின்றது.

இ--ள் : பொருள் தெரிந்தவகையான் எண்வகைக்¹கூலமுஞ் செய்து விளைத்தலும் அவர் கடன் என்றவாறு.

அவையும் அவர் பண்டத்தொடு உபகாரப்படுமாகலின் வரையப்படாதென்றானென்பது.

எண்வகையுணவென்பன: பயறும் உழுந்தும் கடுகும் கடலையும் எள்ளும் கொள்ளும் அவரையும் துவரையுமாம்.

(78)

[அவர் கண்ணியும் தாரும் பெறுவர் எனல்]

இதுவும் அது.

இ--ள் : இவையும் வணிகர் திறத்தன என்றவாறு.

கண்ணியென்பது, சூடும்பூ. தாரென்பது ஒருகுடிப் பிறந்தார்க்குரித்தென வரையறுக்கப்படுவ ²தாயிற்று. எண்ணப்படு மெனவே ³அவரவர்க்குரியவாற் றாற் பலவாகி வரும்; அவை வந்தவழிக் கண்டுகொள்க.

(79)

[வேளாளர்க்கு உழவுதொழில் உரித்தெனல்]

இது, வேளாண்மாந்தர்க்குக் கூறப்படுந் தொழில் கூறுகின்றது.

இ--ள் : வேளாண்மாந்தர் பலவகைப்பட்ட தொழிலரேனும் உழுந்தொழிலே பெரும்பான்மைத்தாகலான் அதனையே சிறப்பித்துச் சொல்லுதன் மரபு என்றவாறு.

1. கூலம்--பண்டம்.

2. ஆயிற்று--ஈண்டு வேண்டியதில்லை.

3. அவரவர்க்கு உரிய என்றது--அவ்வக் குடிப்பிறந்தார்க்கு உரிய என்றபடி. குடி--இப்பர்குடி, கவிப்பர்குடி பெருங்குடி என்பன.