இன்னும் இவ்விலேசானே புல்லிற்குரியன மரத்திற்கு வருவனவுங் கொள்க; அவை,

“ஈன்றவ டிதலைபோ ¹லீர்பெய்யுந் தளிரொடும்.”

(கலி. 32)

என ஈர்க்கென்பது மாவிலைமேல் வந்தது. பிறவும் அன்ன.

(87)

[மேற்கூறிய இரண்டற்கும் பொதுவாகச் சொல்லப்படும்
உறுப்புக்களிவை எனல்]

இது மேற்கூறிய இரண்டற்கும் பொதுவுறுப்புணர்த்துதல் நுதலிற்று.

இ--ள் : இவையும் அவ்விருதிறத்தோடொக்கும் என்றவாறு.

உதாரணம்:--தெங்கங்காய் கமுகங்காய் எனவும், வேப்பங்காய் மருதங்காய் எனவும், காயென்பது அவ்விரண்டற்கும் வந்தது. பழமென்பதற்கும் இஃதொக்கும். பனந்தோல் வேப்பந்தோல், பனஞ்செதிள் வேப்பஞ்செதிள், தாழைவீழ் இத்திவீழ் என இவையும் இருபாற்குமுரியவாயின.

மற்றிவையெல்லாம் வரையறையின்றிச் செல்லுமாயிற் புறக்காழன அகக்காழனவென வரையறுத்துப் பயந்ததென்னையெனின்,--அவ்விரு பகுதியுள் அடங்கக் கூறியவெல்லாம் புல்லெனவும் மரமெனவும்படாவென்றற்கும், ²அவற்றுறுப்பு ஓதியவாற்றாற் புல்லின்கண்ணும் மரத்தின்கண்ணும் பெருவரவினவா மென்றற்குமென்பது.

(88)

[இருதிணை யைம்பாற்பொருள்களை மரபு பிறழாமற் சொல்லல்வேண்டுமெனல்]

1. ஈர்--ஈர்க்கு என்றது மாவிலையின் நடுவே செல்லும் காம்பை.

2. அவற்றுறுப்பு என்றது புறக்காழுக்கும் அகக்காழுக்கும் ஓதிய உறுப்புக்கள் அவை, “தோடே மடலே” என்னுஞ் சூத்திரத்தானும், “இலையே தளிரே” என்னுஞ் சூத்திரத்தானும் கூறியன;