மரபு கூறப்படுதலின். உரையாயின் அன்னதன்றி ¹நால்வகையுரையுள் ²ஏற்பது பகுதி வேறுபடும் மரபுகூறுகின்றமையின் அது செய்யுளியலுட் கூறியவாறுபோலாகாது வேறெனவேபடும் ஈண்டென்பது.

இனி, முற்கூறிய பாயிரவிலக்கணத்தினை இன்றியமையாதது ³சூத்திரமென்றற்கும் இதுவே ஓத்தாகக் கொள்க; என்னை? ⁴மேற் ⁵புறத்துநின்று ‘மேற்கிளந் தெடுத்த யாப்பு’ எனவேபடுமாகலி னென்பது.

இதனது பயம்: பாயிரவிலக்கணங்களோடு பொருந்தச் சூத்திரஞ்செய்தலென்பதாயிற்று. இஃது ஒப்பக்கூறல் (665) என்னும் உத்திவகை.

மேற்கிளந்தெடுத்த இலக்கணமாவது, ஆடிநிழற்போல் பொருளானுந் ⁶தேர்தல் வேண்டாமற் பொருட்பெற்றி உணர்கின்றாங்குச் சூத்திரத்தொடருள் இலக்கியமின்றாயினும் ⁷அதனை இதுகேட்டான் காணுமாற்றாற் செய்தலாயிற்று.

இனி, மேற் கிளந்தெடுத்த பாயிரவிலக்கணம் சூத்திரத்தோடு பொருந்துங்காற் பொதுப்பாயிரவிலக்கணம் பொருந்தா, சிறப்புப்பாயிரவிலக்கணம் எட்டுமே பொருந்துவனவெனக் கொள்க. அஃதென்னை பெறுமாறெனின்,--மேற்கிளந்த யாப்பென்னாது எடுத்த யாப்பென்றதனானே ஒரு நூற்குச் சிறப்பு வகையான் இன்றியமையாததாகி எடுத்துக்கொள்ளப்படுவது,

“வடவேங்கடம் தென்குமரி.”

(பாயிரம்)

என்றாற்போலுஞ் சிறப்புப்பாயிரமாகலானும், பொதுப்பாயிரம்

1. நால்வகையுரை என்றது -- ‘பாட்டிடை வைத்த’ என்னுஞ் (465-ம்) சூத்திரத்தாற் கூறப்படும் நால்வகையுரையை.

2. ஏற்பது என்றது அவற்றுள் ‘பாவின்றெழுந்த கிளவியானும்’ என்று கூறிய உரைப்பகுதியை. பகுதி வேறுபடுதல்--காண்டிகையும் உரையும் எனப் பகுதி வேறுபட்டுப் பின் அவையும் இவ்விரண்டாதல். 653-ம் சூத்திர உரை நோக்குக.

3. சூத்திரம் இன்றியமையாதது என்றற்கும் இதுவே ஓத்து என்க.

4. மேல்--முன்.

5. புறம்--நூற்புறம்.

6. தேர்தல்வேண்டாது--வெளிப்பட என்றபடி.

7. அதனை--அவ்விலக்கியத்தை. இது--இலக்கணம்.