ஞாயிறு பல்கிய மாயமொடு சுடர்திகழ்பு
ஒல்லா மயலொடு பாடிமிழ் புழிதரும்
மடங்கல் வண்ணங் கொண்ட கடுந்திறற்
றுப்புத்துறை போகிய கொற்ற வேந்தே. . . . ”

பதிற்று. 62

4.   தோலின் பெருக்கமும் = பகைவர் படைக்கலன் உறாவாறு தடுக்கச் செறித்த கோடகங்களின் பொலிவும்;

“வினை மாட்சிய விரை புரவியொடு
 மழை யுருவின தோல் பரப்பி
 முனை முருங்கத் தலைச் சென்றவர். ”

- புறம். 16

5.   அகத்தோன் செல்வமும் = (கொளற்கு அரிதாய், உணவு முதலிய கூழும் நன்னீரும் படையும் உலையா தூக்கும் அறைபோகாத் தறுகண் மறவர். காவலும்உடைய) அரண் அகக்காவலன் பரிசு குறித்தலும்;

“அளிதோ தானே பாரியது பறம்பே,
 நளிகொள் முரசின் மூவிரும் முற்றினும்
 உழவர் உழாதன நான்குபயன் உடைத்தே.
 ஒன்றே, சிறியிலை வெதிரினெல் விளையும்மே;
 இரண்டே, தீஞ்சுனைப் பலவின் பழமூழ்க்கும்மே;
 மூன்றே, கொழுங்கொடி வள்ளிக்கிழங்கு வீழ்க்கும்மே;
 நான்கே, அணிநிற வோரி பாய்தலின் மீதழிந்து
 திணிநெடுங் குன்றந் தேன் சொரியும்மே.
 வான்க ணற்றவன் மலையே; வானத்து
 மீன்க ணற்றதன் சுனையே; ஆங்கு
 மரந்தொறும் பிணித்த களிற்றினி ராயினும்
 புலந்தொறும் பரப்பிய தேரினி ராயினும்
 தாளிற் கொள்ளலிர்; வாளிற் றாரலன். ”

-புறம். 109