தாபதவழக்கு நாலிரண்டாதலு மக்கால வழக்கு. தாபதர் = தவம் செய்வார்;  [ தவம் = உற்ற நோய் நோற்றல். (நோற்றல் = பொறுத்தல்), உண்ணாமை, உறங்காமை, போர்த்தாமை, வெயிலிலிருத்தல், நீரில் நிற்றல், காமங் கடிதல், வறுமை பொறுத்தல், வாய்மையால் வருந்தல் போலத் திண்ணியோருள்ளங் கண்ணியவகையின.  ]

“அனை நிலைவகைய” என்பதில், “அனைய” எனுஞ்சொல் செய்யுளோசை நோக்கி “அனை” எனக் குறுகிற்று. அவ்வகைப்பிற வாகைக்குரியவை ஆடல், பாடல், ஓவியமெழுதுதல் போல்வன. தேரும் குதிரையும் யானையு மூரும் திறல்வகை யெல்லாம் இதனுள் அடங்கும். இவை வாகைவகைகளே. வாகைத்துறைகளை அடுத்த சூத்திரம் கூறும்.