செய்யுள்:

“முந்நீர்த் திரையி னெழுந்தியங்கா மேதையும்
 நுண்ணூற் பெருங்கேள்வி நூற்கரை கண்டானும்
 மைந்நீர்மை யின்றி மயலறுப்பா னிம்மூவர்
 மெய்ந்நீர்மை மேனின் றவர். ”

திரிகடுகம். 35

இனி, (1)

“ஐயுணர் வெய்தியக் கண்ணும் பயமின்றே
 மெய்யுணர் வில்லா தவர்க்கு. ”

- குறள். 354

எனவரும் வள்ளுவர் குறள்களு மித்துறையாகும்.

(17)  அருளொடு புணர்ந்த அகற்சியானும் = யார்மாட்டும் விரிந்து பெருகும் அருளொடு கூடிய துறவும்.

குறிப்பு : கடனாற்றும் முயற்சிக்கஞ்சித் தனக்கொழிவு தேடும் போலித்துறவை விலக்கி, சுரந்து எல்லார்மாட்டும் பரந்து பயன்தரும் அகன்ற அன்பாற் பிறர்க்கென முயலும் மெய்த்துறவின் வீறே ஈண்டுக் கூறக் கருதலின், வாளா அகற்சி என்னாது “அருளொடு புணர்ந்த” என்றடையொடு தொடர்ந்து சுட்டப்பட்டது.

செய்யுள்: (1)

“மன்னுயிர் ஓம்பி அருளாள்வார்க் கில்லென்ப
 தன்னுயி ரஞ்சும் வினை. ”

- குறள். 244

செய்யுள்: (2)

“உண்டா லம்ம இவ்வுலகம்; இந்திர
 ரமிழ்த மியைவ தாயினு மினிதெனத்