மலையுடைக் கானம் நீந்தி
நிலையாப் பொருட்பிணிப் பிரிந்திசி னோரே”

(குறுந். 350)

பின்பனிப் பிரிந்தோர் இளவேனிற் கூடுவதற்குச் செய்யுள்:

“கோங்கங் குவிமுகை யவிழ ஈங்கை
 நற்றளிர் நயவர நுடங்கு
 முற்றா வேனின் முன்னிவந் தோரே”

(நற். 86)

“. . . . . புணர்மினோ என இணர்மிசைச்
 செங்க ணிருங்குயி லெதிர்குரல் பயிற்று
 மின்ப வேனிலும் வந்தன்று”

(நற். 224)

என்னும் பெருங்கடுங்கோவின் நற்றிணைப் பாட்டடிகளும், பிரிந்த காதலர் திரும்பக்கூடும் “காமர் வேனின்மன்இது” என்னுமகப்பாட்டடியும்,

“ஊடினீ ரெல்லா முருவிலான் றன்னாணை
 கூடுமி னென்று குயில்சாற்ற- நீடிய
 வேனற்பா ணிக்கலந்தாண் மென்பூந் திருமுகத்தைக்
 கானற்பா ணிக்கலந்தாய் காண்”,

எனவரும் சிலப்பதிகார வெண்பாவும், பின்பனிக்காலம் பிரிவுக்கும், இளவேனில் கூடலுக்குமே ஏற்புடைத்தென்பதை வலியுறுத்தல் காண்க.

கருத்து : இது முதிர்வேனிலிற் பிரிந்தார் கார்காலத்து மீண்டுவந்து கூடலும், பின்பனிக்காலம் பிரிந்தார் இளவேனிலில் கூடலும் மரபென்பதை விளக்குகிறது.

பொருள் : இருவகைப்பிரிவும் = முன்னையிரு சூத்திரங்களிலும் கூறப்பெற்ற வேனிற்பிரிவும், பின்பனிப்பிரிவும்; நிலைபெறத்தோன்றினும் = பிரிதனிமித்தங்களாக அமையாது,