புல்லிய வளைகளையுடைய புள்றினது, நெடுங்கோடு-நெடிய உச்சியினை, இரும்பு ஊது குருகின் இடந்து - இருப்பு உலையில் ஊதும் துருத்தி யைப் போன்று (உயிர்த்துப்) பெயர்த்து, இரை தேரும்-இரையினை ஆய்ந்தெடுத்துண்ணும், மண்பக வறந்த ஆங்கண்-மண் பிளவுபட வறட்சியுற்ற பாலை நிலமாய அவ்விடத்து;

6-10. கண் பொரக் கதிர் தெற-வெய்யில் கண்களைப் பார்க்க வொண்ணாதவாறு பொர ஞாயிறு காய்தலின், நெறி அயல் மராஅம் - நெறியின் அயலதாகிய வெண்கடம்புகளின், கவிழ்ந்த உலறுதலை நோன்கினை ஏறி-(தழைகள் வாடிக்) கவிழ்ந்துள காய்ந்த உச்சியினையுடைய வலிய கிளைகளில் ஏறி, புலம்புகொள எறி பருந்து உயவும்-இரையினைப் பாய்ந்தெடுக்கும் பருந்து தனிமை கொள வருந்து, என்றூழ் நீள் இடை-வெப்பம் மிக்க நீண்ட இடங்களாய, வெம்முனை அருஞ்சுரம் நீந்தி - வெவ்விய முனைகளையுடைய அரிய சுரத்தினைக் தாண்டி;

15. சேறிரோ - செல்லுவீரோ.

(முடிபு) ஐய! பொருட்க உள்ளம் துரத்தலின், உண் கண் கலுழ, அருஞ்சுரம் நீந்திச் சேறிரோ.

உளியம் தீம்பழம் முனையின் நெடுங்கோடிடத்து இரை தேரும் ஆங்கண் பருந்த உயவும் நீளிடை அருஞ்சுரம் என்க.

(வி - ரை.)¹'அத்த விருபை யார்கழல் புதுப்பூத், துய்த்த வாய துணிகலம் பரக்க,....வன்கை யெண்கின் வயநிரை பரக்கும்’ எனக் கரடி இருப்பைப்பூ உண்டலும், ²'ஈயற் புற்றத் தீர்ம்புறத் திறுத்த, குரும்பி வல்சிப் பெருங்கை யேற்றை’ எனப் புற்றாம் பழஞ்சோறு உண்டலும் முன்னர் வந்துள்ளமை காண்க.

கரடிட அகழ்கின்ற காலத்து உயிர்த்தலின், குருகின் இடந்து என்றார். முனை - எயினர் இருப்பு. அழுவம்-போர்க்களப் பரப்பு எம்ஐ எழில் எனப் பிரித்து வியக்கத்தக்க அழகு என்றுரைத்தலுமாம். உண்கண்: ஆகுபெயர்; தலைவியை உளப்படத்தி எம் கண் கலுழ என்றுரைத்தாளுமாம். இது செலவழுஙகுவித்தது.

1. 2. அகம்: 15; 8.