கினியர் வினையெச்சப் படர்க்கைத் தெரிநிலை முற்று என்றும் இக்கணம் கூறினர். மணி - ஈண்டுப் பவளம். கடிந்தனம் செலவு என்றது பண்டொருகால் போக்கு ஒழிந்ததனைக் குறித்தது. இது, “செலவிடையழுங்கல் செல்லாமையன்றே, வன்புறை குறித்தல் தவிர்ச்சியாகும்”¹ என்னும் விதியால் வற்பறுத்திப் பிரிதற்குத் தலைவன் செலவழுங்கியதாம் என்க.

(மே - ள்.) ‘கரணத்தி னமைந்து’² என்னும் சூத்திர வுரையில் ‘கை விடின் அச்சமும்’ என்பதற்கு இளம்பூரணர் இச் செய்யுளை எடுத்துக் காட்டினர். ‘செலவிடை யழுங்கல்’³ என்னும் சூத்திர வுரையில், ‘மணியுரு...பிரிது நாமெனினே’ என்னும் பகுதியைப் பேராசிரியர் எடுத்துக்காட்டி, இது வன்வுறை குறித்துச் செலவழுங்குதலிற் பாலையாயிற்று என்றார்.

6. மருதம்

[பரத்தையிற் பிரிந்து வந்த தலைமகற்குக் கிழத்தி கூறியது.]

1. தொல். கற்பு: 44.

2. தொல். கற்பு: 5.

3. தொல். கற்பு:44.