நவ்வி என்றதனாற் குறிக்கப்பட்டது. வலையைச் சேய்மைக்கண் கண் தொரு வியை அதனை அணுகாது விலகியோடி மறைவது போல், தனது இற் செறிப்பினைக் கண்டஞ்சிக் கழிந்தனள் என்றாள். நாறுதல்-தோன்றுதல். உயிர்- உயிர்ப்பு. அந்தக் கள்வர் என்றது வெட்சி மறவரை. பிற்படு பூசல் - பின்னே தொடர்ந்து சென்று மீட்கும் கரந்தையாரின் போர். அவள் கானக மகளாதலின் நினக்கும் ஓர் அடைவு உண்டு; ஆதலின் கூறுவாயாக என்றாள். பூசலின்; இன்: ஒப்பு.

(மே - ள்.) தலைவி கூற்று நிகழ்த்துமாறு கூறும் ‘மறைந்தவற் காண்டல்’¹ என்னும் சூத்திரத்துத் ‘தமர்தற் காத்த காரண மருங்கினும்’ என்னும் பகுதிக்கு, இச் செய்யுளையும் எடுத்துக் காட்டி (தலைவி தோற்றப் பொலிவு கண்டு தமர் அவளை வெளியிற் செல்லாது காத்தனர் என்பார்) ‘என்றன தோற்றப் பொலிவாற காத்தன’ என்றும், ‘எஞ்சியோர்க்கும்’² என்ற சூத்திரத்துச் செவிலிக்கும் கூற்று உண்டு எனக் கூறி, ‘முலைமுகஞ் செய்தன முள்ளெயி றிலங்கின’ என்னும் அகப்பாட்டு, ‘மகட்போக்கிய செவிலித்தாய் சுரத்திடைப் பின்சென்று நவ்விப் பிணையைக் கண்டு சொற்றது; செவிலி கானவர் மகளைக்கண்டு கூறியதுமாம், என்றும் கூறுவர், நச். ‘மரபே தானும்’³ என்ற சூத்திரத்துப் ‘புலிப்பற் கோத்த...அல்குல்’ எனும் இச் செய்யுட் பகுதியைக் காட்டி ‘என்பது பருவத்திற்கேற்ற அணி கூறியது’ என்பர், பேரா.

8. குறிஞ்சி

[தலைமகன் சிறைப்புறத்தானாகத் தோழிக்குச் சொல்லுவாளாய்த் தலைமகள் சொல்லியது.]

1. தொல். கள: 20.

2. தொல். அகத்: 42.

3. தொல். செய்: 80.