எழினி களஞ்சேர ஒருவனாருயிர் உண்ணாயாயின் அவன் அமரடு களத்துப் பல்லுயிரும் பருகி ஆர்குவை; அதுகழிந்ததேயெனக் கூட்டி வினைமுடிவு செய்க.

‘கடும்பசி கலங்கிய’ என்றும் பாடம்.

(கு - ரை.) 6. எழினி : புறநா. 158: 8 - 9; அகநா. 36, 105, 197, 211.

7. புறநா. 4: 18, குறிப்புரை.

11. புறநா. 210: 8. 13. புறநா. 227: 2.

(230)

231

திணையும் துறையும் அவை. (பி - ம். திணை - பொதுவியல்; துறை - கையறுநிலை.)

அதியமான் நெடுமானஞ்சியை ஒளவையார் பாடியது (பி - ம். அவனை அவர் பாடியது)

(இ - ள்.) வெட்டிச்சுட்ட கொல்லைநிலத்துக் குறவனால் தறிக்கப்பட்ட துண்டம் போன்ற கரிந்த புறத்தையுடைய விறகால் அடுக்கப்பட்ட ஈமத்தின்கண் எரிகின்ற ஒள்ளிய அழலின்கண் உடல் சுடச் சென்று அணுகினும் அணுகுக; அவ்வாறு அணுகாதுபோய் வறிதே ஆகாயத்தையுற ஓங்கினும் ஓங்குக; குளிர்ந்த சுடரையுடைய மதி போலும் வெண்கொற்றக் குடையையுடைய ஒள்ளிய ஞாயிற்றையொப்போனது புகழ்மாயா-எ - று.

ஈமமென்பது பிணஞ்சுடுதற்கு அடுக்கும் விறகடுக்கு.

இனி ஈமவொள்ளழல் இவனுடல் சிதையாமற் சிறுகினுஞ் சிறுகுக; அன்றிச் சிதையும்படி சென்று நீளினும் நீளுக; இவன் புகழ் மாயாவெனினும் அமையும்.

‘எரிபுனக் குறவன்’ என்று பாடமோதுவாரும் உளர்.

(கு - ரை.) 5. புறநா. 3: 1, 22 : 11- 2, 392 : 1.

2- 6.புறநா. 239 : 20 - 21.

(231)

232