மிசையிருந்து வில்லேந்தியவழி அம்பு செலுத்தவும்,பரிசிலர்க்கு அருங்கலம்
வழங்கவும் பயன்படுவதால் நின் கை வன்மையாக வுளது; என் போலும்
பரிசிலர் மெய்ம் முயற்சியின்றிப் பிறர் நல்கப்பெறும் சோறுண்டு வருந்து
தொழில் தவிர, தொழில் இலராதலால் அவர் கை மென்மையாக உளது
என்று கூறுகின்றார்.

     திணை :அது.  துறை:  இயன்மொழி.  சேரமான்  செல்வக்
கடுங்கோ வாழியாதன் கபிலர்  கைப்பற்றி  “மெல்லிய  வாமால்
நுங்கை” எனக், கபிலர் பாடியது. 

உரை: கடுங் கண்ண கொல் களிற்றால் - வன் கண்மையை யுடைய
கொலையானையாலே; காப்புடைய எழு முருக்கி - காவலையுடைய
கணைய மரத்தை முறித்து; பொன் இயல்  புனை  தோட்டி யான் -
இரும்பாற் செய்யப்பட்ட அழகு செய்த அங்குசத்தால்; முன்பு துரந்து
- முன்னர்க்  கடாவி; சமம்  தாங்கவும் - அது செய்யும் வினையைப்
பின்வேண்டுமளவிலே  பிடிக்கவும்; பார்  உடைத்த  குண் டகழி -
வலிய நிலத்தைக்  குந்தாலியால்  இடித்துச்   செய்த   குழிந்த
கிடங்கின்கண்;   நீரழுவ  நிவப்புக்  குறித்து - நீர்ப்  பரப்பினது
ஆழமாகிய  உயர்ச்சியைக்  கருதி  அதன்கட்  செல்லாமல்; நிமிர்
பரியமா  தாங்கவும் - மிகைத்த  செலவினையுடைய  குதிரையைக்
குசைதாங்கி வேண்டுமளவிலே பிடிக்கவும்; ஆவம் சேர்ந்த புறத்தை -