| | கடுந்தேர் குழித்த ஞெள்ள லாங்கண்
வெள்வாய்க் கழுதைப் புல்லினம் பூட்டிப்
பாழ்செய் தனையவர் நனந்தலை நல்வெயில்
புள்ளின மிமிழும் புகழ்சால் விளைவயல் |
| 5. | வெள்ளுளைக் கலிமான் கவிகுளம் புகளத் |
| | தேர்வழங் கினைநின் றெவ்வர் தேஎத்துத்
துளங்கியலாற் பணையெருத்திற்
பாவடியாற் செறனோக்கின்
ஒளிறுமருப்பிற் களிறவர |
| 10 | காப்புடைய கயம்படியினை |
| | அன்ன சீற்றத் தனையை யாகலின்
விளங்குபொன் னெறிந்த நலங்கிளர் பலகையொடு
நிழல்படு நெடுவே லேந்தி யொன்னார்
ஒண்படைக் கடுந்தார் முன்புதலைக் கொண்மார் |
| 15. | நசைதர வந்தோர் நசைபிறக் கொழிய |
| | வசைபட வாழ்ந்தோர் பலர்கொல் புரையில்
நற்பனுவ னால்வேதத்
தருஞ்சீர்த்திப் பெருங்கண்ணுறை
நெய்ம்மலி ஆவுதி பொங்கப் பன்மாண் |
| 20. | வீயாச் சிறப்பின் வேள்வி முற்றி |
| | யூப நட்ட வியன்களம் பலகொல்
யாபல கொல்லோ பெரும வாருற்று
விசிபிணிக் கொண்ட மண்கனை முழவிற்
பாடினி பாடும் வஞ்சிக்கு |
| 25. | நாடல் சான்ற மைந்தினோய் நினக்கே. (15) |