29. சோழன் நலங்கிள்ளி

     இப்   பாட்டின்கண்  உறையூர்  முதுகண்ணன்  சாத்தனார் சோழன்
நலங்கிள்ளியை நோக்கி, “வேந்தே, நின்  திருவோலக்கத்தில்  நின் புகழ்
பாடும் பாணர்  நிறைதல் வேண்டும்; பாணர்  இசைகேட்ட பின்பு  மகளிர்
கூட்டத்தின் இன்பத்தை நீ நுகர்தல் வேண்டும்; கொடியோரைத் தெறுதலும்,
நல்லோரையளித்தலும் தவிராது நிலதல் வேவுண்டும்; இவற்றோடமையாது
நீ சிற்றினம்  சேர்த  லாகாது; நீ  வழங்கும்  நாடு  பெற்றுச்  சிறக்கும்
படைத்தலைவர்   நின்பால்   வருநர்க்கு   உதவியாற்றும்   நண்புடைப்
பண்புடையராமாறு நின் செய்கை முறைப்பட வமைதல் வேண்டும். கூத்தாட்
டவைக் குழாம்போலக் கூடுதலும் கழிதலுமுடையது இவ்வுலகம்; இதன்கண்
நின் சுற்றத்தார் நினக்கு  நகைப்புறமாக,  நின்  செல்வம்  இசைப்புறமாக
விளங்குதல் வேண்டும்” என வற்புறுத்துகின்றார்.