திணை: அது. துறை: இயன்மொழி: சோழன் செருப்பாழி யெறிந்த
இளஞ்சேட் சென்னியை ஊன்பொதி பசுங்குடையார் பாடியது.

     உரை: தென்பரதவர் மிடல்சாய - தென்னாட்டிற் புகுந்து குறும்பு
செய்த பரதவருடைய வலிகெட்டொடுங்க; வடவடுகர் வாள் ஒட்டிய -
வடநாட்டினின்றும் போந்து குறும்பு செய்த வடுகரது வாட்படையைக்
கெடுத்தழித்த; தொடையமை கண்ணி - நன்கு தொடுக்கப்பட்டமைந்த
கண்ணியையும்; திருந்துவேல் தடக்கை - திருந்திய வேலேந்திய பெரிய
கையையும்; கடுமா கடைஇய விடுபரி வடிம்பின் - கடுகிச் செல்லும்
குதிரையைச் செலுத்தற்கென்று காலில் இடப்பெற்ற பரிவடிம் பென்னும்
காலணியையும்; நற்றார்க் கள்ளின் - நல்ல தாரினையும் கள்ளினையுமுடைய;
சோழன் கோயில் - சோழவேந்தனுடைய