திணையுந் துறையு மவை. சோழநாட்டுப் பிடிவூர்கிழான் மகன் பெருஞ்
சாத்தனை மதுரை நக்கீர் பாடியது.

     உரை: மென்புலத்து வயலுழவர் - மென்புலமாகிய மருத நிலத்து
வயல்களில் தொழில் புரியும் உழாவர்; வன்புலத்துப் பகடுவிட்டு - வன்
புலமாகிய முல்லை நிலத்தில் தம் எருதுகளை மேயவிட்டு; குறுமுயலின்
குழைச்சூட்டொடு -  குறுமுயல்களின்  குழைந்த  சூட்டிறைச்சியுடனே;
நெடுவாளைப் பல் உவியல் - நெடிய வாளை மீனைக்கொண்டு பலவாகச்
செய்த   அவியலை;   பழஞ்சோற்றுப்   புகவருந்தி  -  பழையதாகிய
சோற்றுணவோடே யுண்டு; புதல் தளவின் பூச்சூடி-புதலிடத்தே மலர்ந்த
தளவ முல்லையின் பூவைத் தலையிற் சூடிக்கொண்டு; அரிப்பறையாற்
புள்ளோப்பி - அரித்த ஓசையையுடைய கிணைப்பறையைக் கொட்டி
வயலில் விளைந்த கதிர்களை யுண்டற்கு வந்துபடியும் புள்ளினங்களை
யோட்டி; அவிழ் நெல்லின் அரியல் ஆருந்து - நற்சோற்றினின்றும்
இறக்கப்பட்ட