அழகுடைய கொடிகளையும் மேலேசேர்த்து, காழ்அகில் கழும விட்டார் - நிறம்
அமைந்த அகிற்புகை சூழப் புகைத்தனர், (எ - று.)

     அகில் புகைத்தல் கண்ணேறு கழித்தற் கென்க. பண் - ஒப்பனை. கோட்ட -
கோட்டை உடைய. பருமித்து - ஒப்பனை செய்து. காழகில் - வைரமுடைய அகிற் புகை.
கருவி - தோட்டி முதலியன. இது யானை பண்ணுறுத்தியது கூறிற்று.
 

      (இ - ள்.) கம்மம் செய்கை கட்டிய - கம்மத்தொழிற்றிறன் தோன்ற இயற்றப்பட்ட,
கதிர்மணி கனகச்சூலம் - ஒளிருகின்ற மணிகளையுடைய பொன்னாலியன்ற சூலவடிவிற்றாய
தலையணியை, பட்டமொடு இலங்கப் பண்ணி - நெற்றிப்பட்டத்தினோடே சேர விளங்கும்படிபண்ணுறுத்து, பக்கரை பதைப்ப யாத்து - பக்கரைகளை அசையக்கட்டி, மட்டு அவிழ்
அலங்கல் வீரர் - தேன்துளிக்கும் தொடையலணிந்த குதிரைப்படை மறவர்கள், சேரலும் -
எய்துதலும், முன்னால் வலத்துக் கொட்டிய குரத்த - முன்னர் வலக்கால் எடுத்து ஒலிப்ப
மிதித்த குளம்புகளை யுடைய, குதிரைச் சேனை - குதிரைப்படைகள், ஆலித்து எழுந்தன -
ஆரவாரித்துப் புறப்பட்டன, (எ - று.)

     கொட்டுதல் - அதிர அடியிடுதல். வலக்காலை முன்னர் எடுத்திடுதல் குதிரையின்
நல்லிலக்கணச் செயல். சூலம் - சூலவடிவிற்றாய குதிரையின் தலையணி இது புரவி
பண்ணுறுத்தமை கூறிற்று.
 

     (பாடம்) 1. கட்டியக்கம்பஞ் செய்கை. 2. யார்த்து. 3. குரத வாலித் தெழுந்தன சேனையெம். 4. கலந்த தன்றே.