(இ - ள்.) தேவி தன் தாதைக்கேற்ற - தன் கோப்பெருந் தேவியாகிய
சுயம்பிரபையின் தந்தையாகிய சடிமன்னனின் தகுதிக்குப் பொருந்துவனவாகிய, பெருஞ்
சிறப்பு இயற்றி - பெரிய சிறப்புக்களைச் செய்துபசரித்து, செல்வன் - திவிட்ட மன்னன்,
வேய் விரி வெள்ளிக்குன்றின் - மூங்கில்கள் அடர்ந்த வெள்ளிமலைக் கண்ணவாகிய,
விஞ்சையர் உலகம் எல்லாம் - விச்சாதரர் நாட்டை எல்லாம், ஓவு இல புகழினானுக்கு -
ஒழியாத புகழையுடைய சடி வேந்தனுக்கு, உடன்கொடுத்து - ஒருங்கே ஆளும்படி வழங்கி,
உரிமையோடும் - தன் மனைவி முதலிய உரிமைச் சுற்றத்தாரோடும், பூவிரி உருவத்தாரான்
பின்சென்று - மலர்கள் விரிந்த அழகிய மாலையுடைய அச்சடிவேந்தனுக்குப் பின்னே
தொடர்ந்து சென்று, விடுத்துப் போந்தான் - விடை கொடுத்து வழிவிட்டுப் பின் தன்
போதனத்தின் கண் வந்தனன்,
(எ - று.)

     தேவியின் தாதையாகிய சடிமன்னனின் தகுதிக்கேற்ற பெருஞ் சிறப்புக்கள் பல செய்து,
விச்சாதர உலகினை ஆளும் உரிமையும் அவனுக்கருளித் தன் உரிமையோடே பின்சென்று
வழிவிடுத்து மீண்டும் நம்பி போதனத்தே வந்தான் என்க.