மானவேன் மன்னர் கோமான்
மந்திரச் சாலை யாதி
ஏனைய பிறவு மிவ்வா றியம்புதற் கரிய வன்றே.
(இ-ள்) ஆனை -
யானையும், தேர் - இரதமும், குதிரை -
குதிரைகளும், நிற்கும் - இருக்கும்படியான, இடம் - சாலைகளும்,
படையடைக்கும் - ஆயுதங்கள் வைக்கும்படியான,
சாலை -
ஆயுதச்சாலைகளும், சேனை - சேனைகளையுடைய, மாவேந்தர் -
பெரிய அரசர்களும், தெவ்வர் - சத்துரு இராஜாக்களும்,
தரு -
கொடுக்கப்பட்ட, திறை - கப்பப்பணத்தை, காணும் -
கொடுக்கப்
பார்க்கும்படியான, சாலை - பொக்கிஷ சாலையும்,
மானம் -
அபிமானத்தையுடைய, மன்னர் கோமான் - இராஜாதி இராஜனுடைய,
மந்திரச்சாலை - ஆலோசனை சபையும், ஆதி - இவை முதலாகிய,
ஏனைய - மற்றைய, பிறவும் - இன்னும் அநேகங்களும், இயம்புதற்கு -
சொல்வதற்கு, அரியன - அருமையானவைகளாம், எ-று.
(37)
38. காமவே ளனையர் மைந்தர் காவியங் கண்ணி னாரும்
பூமக ளிலங்கும் வீரர் போர்ப்புலிக் குழாங்கள் போல்வார்
தாமவெண் குடையி னானுஞ் சக்கரன் றன்னை யொக்கும்
வாமஞ்சூழ் கமலஞ் சங்கின் வண்கையார் வணிக ரெல்லாம்.
(இ-ள்) மைந்தர்
- புருடர்கள், காமவேளனையர் - மன்மதன்
போன்ற அழகினை யுடையவர்கள், காவி -
உத்பலம்போன்ற,
கண்ணினாரும் - கண்களையுடைய ஸ்திரீகளும், பூமகள் - இலக்ஷ்மி
தேவிக்குச்சமானமானவர்களாவார்; இலங்கும் - விளங்குகின்ற, வீரர் -
வீரபுருடர்கள், போர் - யுத்தத்தில், புலக்குழாங்கள்
போல்வார் -
புலிக் கூட்டங்களுக்குச்
சமானமாவார்கள்; தாமம் -
மாலையையணிந்திராநின்ற,வெண் - வெள்ளையாகிய, குடையினானும் -
குடையையுடைய அரசனும், சக்கரன்றன்னை யொக்கும்
-
தேவேந்திரனுக்குச் சமானமாவன்;
வணிகரெல்லாம் -
வர்த்தகர்களெல்லாரும், வாமம் - அழகாக, சூழ் - சேர்ந்திராநின்ற,
கமலம் - பதுமமும், சங்கின் - சங்கமுமாகிய (ரேகைகளையுடைய
அல்லது, நிதிகளையுடைய), வண் - வளப்பம்பொருந்திய, கையார் -
கையை யுடையயவர்களாவர், எ-று. (38)
39. மாலையுஞ் சாந்தும் பஞ்ச வாசமும் வழங்கு வாரும்
சாலியி னடிசி லுண்பார் தமர்களுக் கூட்டு வாரும்
வேலைநல் லுலகம் விற்கும் விழுப்பொருள் வாங்கு வாரு
மாலையந் தோறு மைமை யமர்ந்துசெய் வாரு மானார்.
(இ-ள்) (இன்னும்
அங்குள்ளார்) மாலையும் - பூமாலை
முதலியவையும், சாந்தும் - சந்தனமும், பஞ்சவாசமும் - பஞ்சவாசத்
திரவியங்களும், வழங்குவாரும் - ஒருவருக்கொருவர் கொடுத்துக்
கொள்கின்றவர்களும், சாலியினடிசிலுண் |