441. ஏத்தருங் குணனை யிவ்வா றேத்திய விராம தத்தை
     பார்த்தறம் பகரக் கேட்டுப் பணிந்தன ளிருந்து பின்னும்
     வார்த்தையுண் டிறைவ கேளுன் மாதவத் திடையூ றேனும்
     பாத்திபக் குமரன் பால தெனமுனி பகர்க வென்றான்.

   (இ-ள்.)   ஏத்தரும்  -  துதித்தற்  கருமையாகிய,   குணணை -
ஸம்மியக் குணத்தையுடைய  ஸிம்மச்சந்திர  முனிவரனை, இவ்வாறு -
இந்தப் பிரகாரம்,      ஏத்திய  -      துதித்த,      ராமதத்தை -
இராமதத்தையானவள்,  பார்த்து  -   அம்முனிவன் தன்னைப்பார்த்து,
அறம்   -  தர்மத்தை,   பகர -  சொல்ல,  கேட்டு -  கேட்டறிந்து,
பணிந்தனள் -    அவனை  மீண்டும்  வணங்கியவளாய், இருந்து  -
அவன் சமீபத்திலுட்கார்ந்து,  பின்னும்  - மேலும் (அவனை நோக்கி,
இறைவ சுவாமி!,  பார்த்திபகுமரன்  பாலது -  இராஜ   குமாரனாகிய
பூரணசந்திரனிடத்தைச்  சார்ந்ததாகிய,  வார்த்தை -  சில மொழிகள்,
உண்டு -  இருக்கின்றன,  (அவற்றைக்  கேட்பது) உன்  மாதவத்து -
உன்னுடைய  சிறந்த  தபஸினது, இடையூறேனும் - விக்கினமாயிருந்த
போதிலும்,  கேள் -  கேட்பாயாக,  என - என்று சொல்ல,  முனி -
அம்முனிவன்   (அவளை   நோக்கி),  பகர்க   - அம்மொழிகளைச்
சொல்வாயாக, என்றான் - என்று உரைத்தான், எ-று. (85)

 442. மங்கலத் தொழில்கள் முற்றி மணிமுடி கவித்து வந்து
     திங்கள்வெண் குடையி னீழற் சீயவா சனத் திருந்தான்
     பொங்குசா மரைகள் வீசப் பொன்மலைக் குவடு தன்னிற்
     சிங்கவே றிருந்த தொத்தான் சீயமா சேனன் மைந்தன்.

    (இ-ள்.)  (அப்போது  இராமதத்தை  அம்முனிவரனை  நோக்கி)
சீயமாசேனன்   -   சிம்மச்சந்திர   மகாராஜனுடைய,  மைந்தன்  -
குமாரனாகிய  பூரணசந்திரன், மங்கலத்தொழில்கள் - அரசர்களுக்குத்
தினந்தோறும்  உண்டாகிய  மங்கல காரியங்களை, முற்றி - முடித்து,
மணிமுடி - இரத்தின  கிரீடத்தை,  கவித்து - சிரசிற்சூட்டி,  வந்து -
கொலுமண்டபத்திற்கு  வந்து  சேர்ந்து,  திங்கள் - சந்திரன் போன்ற,
வெண்குடையின் -வெள்ளைக் குடையினது, நீழல் - நிழலில், பொங்கு
- அதிகரிக்கின்ற,     சாமரைகள் -  சாமரைகளை,   வீச  -  வார
விலாஸனிகள் வீச, சீய ஆசனத்து - சிங்காசனத்தின்மேல், இருந்தான்
- இருந்தவன்,   பொன்மலை -   மஹா   மேரு  பர்வதத்தினுடைய,
குவடுதன்னில் - சிகரத்தின்மேல்,சிங்கவேறு - ஒரு ஆண்சிங்கமானது,
இருந்தது - இருந்ததை, ஒத்தான் - நிகர்த்தான், எ-று. (86)

 443. இளஞ்சிங்க வேற்றைச் சூழ்ந்த விரும்புலிப் போத கம்போற்
     களங்கண்டு முழங்கும் யானைக் காவல குமரர் சூழ்ந்தார்