தக்கன் வேள்வியில் அவிபெறச் சென்ற தேவரை அவ்விடத்தே
புரளுமாறு அழித்த சிவபிரான் அருளைப்பெற்று இரணியன் மூவுலகையும்
தன்னடிப் படுத்துயர்தலால்,

     தேவரைச் சவட்டிய முக்கணன் அருளை ஆடகன் பெற்றபின்
என்னும் குறிப்பு விண்ணவர் குழாம் செய்தபாவத்தால் அவுணர் ஆக்கம்
பெறுகின்றனர் என்பதாம்.

     அழகிய வண்டுகள் மூசாத கற்பக மலர் மாலையைச் சூடிய தேவர்
யாவருங் கவலையை எய்திப்போய்த் தண்ணிய நறிய துழாய் மாலையை
அணிந்த திருமாலடி வணங்கி எழுந்து இரக்கமில்லாத இரணியனுடைய
கொடுஞ் செய்கைகளைக் கூறியபோது,

     கனகம், ஆடகம், இரணியம் என்பன பொன்னின் பரியாயப் பெயர்கள்,
ஆகலின், பொன்னோன் எனப் பல் பெயர் வந்தன.

     பஞ்சாயுதங்களையுடைய புருடோத்தமன் காஞ்சியை அடைந்து எமது
பெருமான் திருவடிகளைத் துதி செய்து கொடிய பகைவனாகிய இரணியனை
வெல்லுதற்குரிய உபாயத்தைத் தேவதேவன் உணர்த்தி அருளத் தெளிய
உணர்ந்து,

     ஐம்படை-சங்கு, சக்கரம், வில், வேல், வாள், தண்டம், என்பன, அரோ,
தேற்றப் பொருளது.

     தூண்டுகின்ற தனது ஓர் அமிசத்தை அவ்இரணியன் ஈன்ற பிரகலாதன்
பால் வைத்துத் தந்தையும் மைந்தனும் மாறுபட்டுச் செருக்குழி ‘என்ன நீ
இப்பொழுது பிழைக்கும் வகை இவ்விடத்து’ என்று கூறி அழகிய
பொன்மயமான தூணைப்பிளந்தெழுந்து,