விளங்க அணிந்து செயத்தக்க தொண்டுகள் பலவற்றையும் செய்து மாவடியில்
முளைத்த பரஞ்சுடரை வழுவாது தொழுது வாழ்வார்.

கலி விருத்தம்

     தழைத்த மறைகளை மேலே கூறியவாறு கற்று இல்லற வாழ்வில்
விருப்பிலன் ஆயின் ஆசாரியனிடத்துத் தங்கி வாழ்க. விருப்புடையன்
ஆயின் உரிய முறையின் அருட்குருவின் சம்மதத்தைப் பெற்று,

     தேவர், தென்புலத்தார் தம் கடன்களை முடித்தற் பொருட்டுக்
குற்றமற்ற இலக்கணத்தால் மாட்சிமையுடைய கற்பினால் திண்ணிய
உரிமையை விதிப்படி திருமணம் புரிந்துகொண்டு மனை அறத்தில் ஒழுகுதல்
முறையே.

     ஒரு வேளைக்கு முப்பத்திரண்டு கவளமாக இருவேளை உணவு
கொள்ளலும், ஐவகை வேள்வியை யியற்றலும், விதித்த நாட்களில்
மனைவியொடு கலத்தலும் ஆகிய இவை இவர்க்குச் சிறக்கும்.

     விதித்த சமித்துக்களைக் கொண்டு வேள்வி செய்தல் தேவயாகம்.
துன்பில்லாத தென்புலத்தார்க்குத் தருப்பணம் செய்தல் பிதிர்யாகம், பலியிடல்
பூதயாகம், பிராமணர்க்குச் சோறு வழங்கல் மானுட யாகம்,