:: TVU ::

பக்கம் எண் :83

Manimegalai-Book Content

6. சக்கரவாளக்கோட்டமுரைத்த காதை
85 90 95 100 105 110 115	புள்ளிறை கூறும் வெள்ளின் மன்றமும் சுடலை நோன்பிகள் ஒடியா வுள்ளமொடு மடைதீ யுறுக்கும் வன்னி மன்றமும் விரத யாக்கைய ருடைதலை தொகுத்தாங் கிருந்தொடர்ப் படுக்கும் இரத்தி மன்றமும் பிணந்தின் மாக்கள் நிணம்படு குழிசியில் விருந்தாட் டயரும் வெள்ளிடை மன்றமும் அழற்பெய் குழிசியும் புழற்பெய் மண்டையும் வெள்ளிற் பாடையும் உள்ளீட் டறுவையும் பரிந்த மாலையும் உடைந்த கும்பமும் நெல்லும் பொரியுஞ் சில்பலி யரிசியும் யாங்கணும் பரந்த ஓங்கிரும் பறந்தலை தவத்துறை மாக்கள் மிகப்பெருஞ் செல்வர் ஈற்றிளம் பெண்டி ராற்றாப் பாலகர் முதியோ ரென்னான் இளையோ ரென்னான் கொடுந்தோழி லாளன் கொன்றனன் குவிப்பவிவ் அழல்வாய்ச் சுடலை தின்னக் கண்டும் கழிபெருஞ் செல்வக் கள்ளாட் டயர்ந்து மிக்க நல்லறம் விரும்பாது வாழும் மக்களிற் சிறந்த மடவோ ருண்டோ ஆங்கது தன்னையோ ரருங்கடி நகரெனச் சார்ங்கல னென்போன் தனிவழிச் சென்றோன் என்புந் தடியு முதிரமு மியாக்கையென் றன்புறு மாக்கட் கறியச் சாற்றி வழுவொடு கிடந்த புழுவூன் பிண்டத்து அலத்தகம் ஊட்டிய அடிநரி வாய்க்கொண் டுலப்பி லின்பமோ டுளைக்கு மோதையும் கலைப்புற அல்குல் கழுகுகுடைந் துண்டு நிலைத்தலை நெடுவிளி யெடுக்கு மோதையும் கடகஞ் செறிந்த கையைத் தீநாய் உடையக் கவ்வி யொடுங்கா வோதையும் சாந்தந் தோய்ந்த ஏந்திள வனமுலை காய்ந்தபசி யெருவை கவர்ந்தூ ணோதையும் பண்புகொள் யாக்கையின் வெண்பலி யரங்கத்து