:: TVU ::

பக்கம் எண் :287

Manimegalai-Book Content

21. கந்திற்பாவை வருவதுரைத்த காதை
80 85 90 95 100 105 110	தீது கூற அவள் தன்னொடுஞ் சேர்ந்து மாதவ னுரைத்த வாய்மொழி கேட்டுக காதலி நின்னையுங் காவல் நீக்குவள் அரசாள் செல்வத் தாபுத் திரன்பால் புரையோர்ப் பேணிப் போகலும் போகுவை போனா லவனொடும் பொருளுரை பொருந்தி மாநீர் வங்கத் தவனொடு மெழுந்து மாயமில் செய்தி மணிபல் லவமெனும் தீவகத் தின்னுஞ் சேறலு முண்டால் தீவ திலகையின் தன்திறங் கேட்டுச் சாவக மன்னன் தன்னா டடைந்தபின் ஆங்கத் தீவம்விட் டருந்தவன் வடிவாய்ப் பூங்கொடி வஞ்சி மாநகர் புகுவை ஆங்கந் நகரத் தறிபொருள் வினாவும் ஓங்கிய கேள்வி உயர்ந்தோர் பலரால் இறைவன் எங்கோன் எவ்வுயி ரனைத்தும் முறைமையிற் படைத்த முதல்வனென போர்களும் தன்னுரு வில்லோன் பிறவுருப் படைப்போன் அன்னோன் இறைவ னாகுமென் போர்களும் துன்ப நோன்பித் தொடர்ப்பா டறுத்தாங் கின்ப வுலகுச்சி யிருத்துமென் போர்களும் பூத விகாரப் புணர்ப்பென் போர்களும் பல்வேறு சமயப் படிற்றுரை யெல்லாம் அல்லியங் கோதை கேட்குறு மந்நாள் இறைவனு மில்லை யிறந்தோர் பிறவார் அறனோ டென்னையென றறைந்தோன் தன்னைப் பிறவியும் அறவியும் பெற்றியி னுணர்ந்த நறுமலர்க் கோதை எள்ளினை நகுதி எள்ளினை போலும் இவ்வுரை கேட்டிங் கொள்ளிய துரையென உன்பிறப் புணர்த்துவை ஆங்குநிற் கொணர்ந்த அருந்தெய்வம் மயக்கக் காம்பன தோளி கனாமயக் குற்றனை என்றவ னுரைக்கும் இளங்கோடி நல்லாய் அன்றென் றவன்முன் அயர்ந்தொழி வாயலை