தமிழ் மொழி வரலாறு

119

தொல்காப்பியர் சில பயனிலைகளைப் பெயர்ச்சொற்கள் என்றழைக்கிறார்.²⁹ தொல்காப்பியத்தில் ‘குறிப்பு’ என அழைக்கப்பெறும் காலக் கருத்துடைய வினைமுற்றுக்கள் சிலவும் உள்ளன. ஆக்கப் பெயர்களுக்கும் குறிப்பு’ வினைகட்குமிடையே உள்ள வேறுபாட்டினைப் பின்வருமாறு சுட்டலாம். ஆக்கப்பெயர்களில் திணை பால் விகுதிகள் நேரடியாக வேர்ச்சொல்லுடனோ தொழிற் பெயர் வடிவத்துடனோ சேர்க்கப் பெறுகின்றன. குறிப்பு வினைகளில் இவ்விகுதிகள் பெயரெச்ச வடிவங்களோடு சேர்க்கப் பெறுகின்றன.

2. 2 வினைமுற்றுக்கள்

இவற்றுள் வகர உடம்படுமெய் இடம்பெற ‘நல்லவள்’ என்ற வடிவம் வந்தது. ‘அவள்’ என்னும் விகுதி ஒள் என வரும் பழைய வடிவம் ஒன்று உண்டு. சான்று : ‘நல்லோள்’.³⁰ வகரஉடம்படு மெய்யுடன் கூடிய வடிவமும் வழக்கிலிருந்தது. சான்று : ‘வழிபட்டவள்’.³¹ ஆனால் இவ்வடிவம் உயர்திணைத் தொடர்பாக ஓரிடத்தில் மட்டுமே வருகிறது. ‘ஓன்’, ‘ஓள்’, ‘ஓர்’ என்பன மிகுதியாக இங்ஙனம் வருகின்றன. வினைமுற்றானது எழுவாயாகவோ அல்லது உருபேற்றோ வருமிடங்களில் வகர உடம்படுமெய் வருவது கல்லாடரால் எடுத்துக் காட்டப்பட்டிருக்கிறது.³² இது தொல்காப்பியரால் ‘தொழிற் பெயர்’ எனவும்³³ நன்னூலாரால் ‘வினையாலணையும் பெயர்’ எனவும்³⁴ அழைக்கப்படுகிறது.