தமிழ் மொழி வரலாறு

162

படுத்தக் குகர விகுதி சேர்க்கப்பட்டிருக்கலாம். ‘செய்பான் + கு > * செய்பாற்கு’. ஓரினமாதலின் விளைவாகச் ‘செய்பாக்கு’ என்ற வடிவம் கிடைக்கிறது. கலித்தொகை,⁶³ பரிபாடல்,⁶⁴ திருக்குறள்⁶⁵ ஆகியவற்றில் ‘செய்வான்’ என்ற வடிவம் வருகிறது. செய்பாக்கு என்ற வடிவம் திருக்குறளில் மட்டுமே வருகிறது.⁶⁶ இது கிளை மொழி வழக்காக இருந்திருக்கக் கூடும். ‘செய்வான்’ மலையாளத்தில் தொடர்ந்து இன்றும் வழக்கில் உள்ளது; ஆனால் தமிழில் வழக்கில் இல்லை.

இ. நோக்கத்தைக் காட்டும் வினையெச்சம்

‘செய்யிய’ என்பது நோக்கத்தைக் காட்டும் பழைய வினையெச்ச வாய்பாடாகும். இது மறைந்து, ‘செய்’ என்னும் வினையெச்சம் புறநானூற்றில் இதனது பொருளைத் தருகிறது.⁶⁷

2. 4 துணைவினைகள்

அ. ‘செய’ என்னும் வாய்பாட்டு வினையெச்சம்

‘செய’ என்னும் வடிவம் வளர்ச்சியுற்றது. ‘நான் செய வேண்டும்’ என்பது போன்ற வாக்கியங்களில் அது எழுவாயானது. இத் தொடருக்கு இரு எழுவாய்கள் இருக்கலாம். ஒன்று ‘செய’ என்பதற்கு; மற்றது ‘வேண்டும்’ என்பதற்கு. ‘செய’ என்பது ‘வேண்டும்’