:: TVU ::

ககர மெய்க்கு முன்னர் அல்லது அதை அடுத்து இகர உயிர் வருமாயின், அம்மெய் யகர மெய்யாக மாறுகிறது.

கன்னிகள் > கன்னியள்
துகில் > துயில்

எனவே ககரம் யகரமாகத் திரிவதாகக் கொள்ளப் பெற்றது. இதனாலேயே கீழ்க்கண்ட மரூஉ வடிவங்கள் அமைந்துள்ளன.

மொழியிடை வெடிப்பொலி இழக்கப்படுவதும் உண்டு. -ங்க் > -ங்-

இது ‘நாங்கள் > நாங்ஙள் > நாஙள்’ என்றாயிருக்க வேண்டும். ‘நாஙள் > நாமள்’ என்பது ‘நாம்’ என்னும் வடிவம் இருப்பதால் ஏற்பட்டதாகும். மொழியிடையில் உள்ள மகரமெய் தெலுங்கிற் போலப் பகர மெய்யாவது தெலுங்கு மொழி பேசுவோர் திருநெல்வேலியில் குடியேறியதன் விளைவாகலாம். இதனால் கிடைக்கும் வடிவம் ‘நாம்பள்’ என்பதாகும்.

சமஸ்கிருதச் செல்வாக்கால் பகர மெய் உயிரிடையில் மட்டுமின்றி ஒலிப்பிலா மெய்களுக்குப் பின்னரும் வருகிறது. இவை தமிழில் ஒப்புநிலைக்கேற்ப விடுப்பொலிகளைப் (releases) பெறுகின்றன.

வகர உடம்படு மெய்கூடச் சில இடங்களில் மூக்கொலிச் சாயல் பெற்று மூக்கொலியாகிறது.

சான்று : என்ன + ஓ > என்னவோ > என்னமோ

மூக்கொலிகள் வருவதால் இவ்வாறு நிகழ்வதாக விளக்கலாம். ஆனால் ‘கவிய > கமிய’ என்பதை நோக்குக. (இங்கு மூக்கொலி ஏதும் சூழலாக அமையவில்லை.)

பழைய நுனியண்ண மூக்கொலியான னகரமெய், நெடிலுயிர்களுக்குப் பின்னரும் மகர மெய் போன்ற மெல்லின மெய்களுக்குப் பின்னரும் இழக்கப்படுகிறது.