தமிழ் மொழி வரலாறு

238

என்பதை இது காட்டுகிறது. உலகம் (> லோக), காலம் (> கால) முதலிய சொற்கள் சமஸ்கிருத மூலத்திலிருந்து வந்தவை என்பர். ஆனால் சில சொற்களில் காணப்படும் தற்செயலான வடிவ ஒற்றுமையைக் கொண்டு அவற்றைச் சமஸ்கிருதத்திலிருந்து பெறப்பட்டவை என முடிவு கட்டக் கூடாது எனப் பழைய உரையாசிரியர்கள். சுட்டிக் காட்டுவர்¹³ குறுகிய அளவு உடைய இசைப்பாடல்களைக் குறிக்கப் ‘பண்ணத்தி’ என்ற சொல் தொல்காப்பியத்தில் பயன்படுத்தப்பட்டுள்ளது.¹⁴ Prajnapti’ என்ற சமஸ்கிருதச் சொல்லிலிருந்து வந்ததாகக் கூறப்படும். சமணர்களின் நீண்ட இலக்கியப் படைப்புகளைக் குறிக்கும் ‘பண்ணத்தி’ என்ற சொல்லிலிருந்து தொல்காப்பியர் குறிப்பிடும் ‘பண்ணத்தி’ மாறுபட்டது. பழைய உரையாசிரியர்கள் சுட்டிக் காட்டுவது போல, தொல்காப்பியர் குறிப்பிடும் ‘பண்ணத்தி’ என்பது ‘பண-’ என்ற தமிழ் வேரிலிருந்து வந்ததாகும்.¹⁵ தொல்காப்பியத்தில் ‘காமம்’ முதலான சமஸ்கிருதச்சொற்கள் உண்டு. அனைத்திந்தியத் தன்மை உடைய ‘அறம்’, ‘பொருள்’, ‘காமம்’ என்னும் கருத்துருவாக்கம் தொல்காப்பியத்திலும் காணப்படுகிறது.

தொல்காப்பியர் காலத்தே வழக்கில் வாராத வடிவங்களில் எல்லாம் பல சமஸ்கிருதச் சொற்கள் சங்க இலக்கியங்களில் வருகின்றன.

சான்று : யவனர்¹⁶, யூபம்¹⁷

சமஸ்கிருதப் பெயர்களும் மிகுதியாகக் காணப்படுகின்றன.

மார்க்கண்டேயனார்¹⁸
உருத்திரன்¹⁹